‘Na vecchia cammisa d ‘a nonna mia
capitai, poche tiempe fà,
insieme a cierti panni nuovi,
dinto a’cesta d’a biancheria ‘a lavà.
Che surpresa e che paura
avette quanne, invece du lavature
cu’ l’acqua e cu’ sapone,
se vedette ‘nfilà int ‘a nu purtuse,
pe’ essa, ruoss’ comme ‘na casa.
Manco ‘o tiemp’e se ‘uardà attuorne,
che tutto le girava sott’ ‘e’ncoppa
e se sentette tutta frasturnata e ‘nfosa
cu’ ati panne azzeccate ‘n cuolle, “
Facette fatica ‘a puverella ,
nun puteva capi’ ch’era succiesso,
Essa pensava
a chelli mani d’oro che a strufinavano tutta,
all ‘addore du sapone,
e a chillu bellu bagno ca se faceva
d’int’ a tinozza pe’ se sciacqua.
Mo’ triste e ammappuciata,
dint ‘a ‘nu vortice m’brugliata
cunvinta ca ‘a fine d’ a jurnata
sarìa rìmasta tutta stracciata.
E, trovannese affianco
‘na manica i giàcchetta,
là dinto s’infilaie
e cchiu’ n’un ascette.
libera rielaborazione di Franco Schiano di un testo di Anna Mazzella Marciano
