Warning: Undefined array key "options" in /web/htdocs/www.ponzacalafelci.com/home/wp-content/plugins/elementor-pro/modules/theme-builder/widgets/site-logo.php on line 93
U vino ‘i “ Butteglione “ - Ass. Cala Felci

U vino ‘i “ Butteglione “

POESIA di Francesco De Luca

 

“ SALUTE… è  na  parola  muta

si  nun  è  accumpagnata

‘a   nu   bicchiere   ‘i  vino

ca   scarfa   capa,  core  e  ntestino “.

Chesta  era   a  litania   ‘i   Vastiano  “butteglione”

ogne   vota   ca  passavo  vicino   a   cantina

abbasce   u   Fieno.

Isso  già    aveva  menato   zurfo   e  verderamme

e   s’  asciuttava  u  sodore

nu   poco  pulezzanno    canne

e   nu   poco    muzzechianno   pane   e  salamme.

U   butteglione   ‘i   vino

ce   faceva   cumpagnia

ncopp’  u    tavulino

e   chiunque   passava   ‘a  llà

aveva   brindà   cu   isso

…“ pecché   ogge  putimmo  rire…

dimane  ce   aspetta   u   fuosso.

Bevimmo   vino   niro…

chillo   ca    tene   a   buccata   doce

…chillo   ca   mette  ll’ anema   mpace

…   chillo   ca   u   paricchiano   beve

primma   ‘i   benedice.

Uagliù…  SALUTE   è   na   parola   muta

si   nun  è   accumpagnata

‘a   nu   bicchiere   ‘i   vino

ca   scarfa    capa,    core  e    ntestino  “

 

Francesco   De  Luca 

Share on facebook
Share on linkedin
Share on twitter
Share on email

More To Explore